Դեսպան Մինասյանի մասնակցությունը Կլուժ քաղաքի Ռումինիայի հայոց միության կազմակերպած «Հայկական մշակույթի օր» միջոցառման 11-րդ թողարկումը

25 սեպտեմբերի, 2021

Սեպտեմբերի 25-ին Տրանսիլվանիայի Կլուժ-Նապոկա քաղաքում Ռումինահայոց միության Կլուժի մասնաճյուղի նախաձեռնությամբ, Տրանսիլվանիայի ազգագրագիտության թանգարանի, Կլուժի համալսարանի հայագիտության ինստիտուտի և Ռումինիայում Հայաստանի Հանրապետության դեսպանության համագործակցությամբ տեղի ունեցավ «Հայկական մշակույթի օր» միջոցառման 11-րդ թողարկումը՝ նվիրված ՀՀ անկախության 30-ամյակին ու հայ-ռումինական դիվանագիտական հարաբերությունների 30-րդ տարեդարձին:

Միջոցառմանն ելույթներով հանդես եկան Ռումինիայում ՀՀ դեսպան Սերգեյ Մինասյանը, Ռումինիայի հայերի միության նախագահ Վարուժան Ոսկանյանը, Տրանսիլվանիայի ազգագրագիտության թանգարանի, ինչպես նաև Կլուժի համալսարանի հայագիտության ինստիտուտի տնօրեն Թուդոր Սըլըջեանը և Ռումինահայոց միության Կլուժի մասնաճյուղի ղեկավար Կարեն Շեբեշին։

Տրանսիլվանիայի հայազգի գրող և պատմաբան Քրիշտոֆ Սոնգոտի/Kristóf SZONGOTT մրցանակն այս տարի հանձնվեց Գեռլայի (Հայաքաղաք) հայ վերջին գորգագործին՝ Պետրոս Կրուչյանին:

Համերգային ծրագրով հանդես եկան սոպրանո Միհաելա Մաքսիմը և դաշնակահարուհի Եվա Բուտեանը:

Միջացառման շրջանակներում կայացավ հայկական մանրանկարչության ու ձեռագրերի լուսանկարչական ցուցահանդեսի բացումը:

Միջոցառումը լայնորեն լուսաբանվեց տեղական զանգվածային լրատվամիջոցների կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր